ప్రపంచ బౌద్ధ దేశాల్లో షూటింగ్ చేస్తున్న కింగ్ బుద్ద.. పాదయాత్రలో సత్యారెడ్డి

ప్రపంచ శాంతి కోసం థాయ్‌లాండ్ కి చెందిన 60 మంది బౌద్ధ బిక్షువులు(మాంక్స్) ఈ నెల 22 నుంచి కర్ణాటక రాష్ట్రం స్వర్ణభూమి నుండి తెలంగాణ రాష్ట్రం నాగార్జున సాగర్ బుద్ధభూమి వరకు 400 అడుగుల పాదయాత్ర చేస్తున్నారు. ఈ రోజు హైదరాబాద్ నుంచి తుర్కయంజిల్ వరకు 17 కిలోమీటర్ల పాదయాత్రలో కింగ్ బుద్ద హాలీవుడ్ డైరెక్టర్ సత్యారెడ్డి(సత్య రెడ్డి)మరియు చిత్ర యూనిట్.

ఈ సందర్భంగా ప్రపంచ శాంతి కోసం కింగ్ బుద్ధ(king buddha)చిత్రాన్ని హాలీవుడ్‌లో డైరెక్టర్ సత్యారెడ్డి మెడలో గౌతమ బుద్ధుడి లాకెట్‌ని ధరింపజేసి సీనియర్ మ్యాంక్స్ కింగ్ బుద్ధ చిత్రం ప్రపంచవ్యాప్తంగా ఘనవిజయం సాధించాలని ఆశీర్వదించారు. ఈ సందర్బంగా సత్యారెడ్డి మాట్లాడుతూ… “అమెరికాలో ప్రారంభించిన “కింగ్ బుద్దా (వి వాంట్ వరల్డ్ పీస్)” హాలీవుడ్ శరవేగంగా పూర్తి చేస్తున్నాం. ఇప్పటివరకు 10 దేశాల్లో షూటింగ్ పూర్తయింది. ఇంకా 15 బౌద్ధ దేశాల్లో చిత్రీకరణ జరపాల్సి ఉంది.

నా ‘ఉక్కు సత్యాగ్రహం’ శతదినోత్సవ చిత్రంలో విప్లవకవి గద్దర్ గారు నాకు బౌద్ధిజం నేర్పించారు. అందుకే ఆ మూవీలో బుద్ధుని సీన్లు కొన్నింటిని చూపించాం. ఇప్పుడు పూర్తి స్థాయిలో బుద్ధునిపై “కింగ్ గౌతమ” నిర్మించడం ఒక గొప్ప ఛాలెంజ్‌గా ఉంది. థాయిలాండ్, మలేషియాలలో టీజర్, ట్రైలర్ లాంచ్, ఢిల్లీ,అమరావతిలలో ప్రీరిలీజ్ ఈవెంట్స్ చేస్తాం. పాదయాత్ర ముగింపు వరకు “కింగ్ బుద్ద” చిత్ర యూనిట్ పాల్గొంటుంది ప్రపంచ శాంతి కోసం స్వర్ణభూమి నుండి బుద్ధభూమి వరకు ఈ పాదయాత్రలు కాశ్మీర్ నుండి కన్యాకుమారి వరకు జరగాలి. టాలీవుడ్ నుండి హాలీవుడ్ వరకు డైరెక్టర్ గా ఎదగడం నాకు గర్వకారణం. “కింగ్ బుద్ధ” మూవీ ప్రపంచ శాంతి సందేశంతో తెరకెక్కుతున్న అంతర్జాతీయ స్థాయి హాలీడ్ ప్రాజెక్ట్. బుద్ధుని జీవితం,పంచశీల సిద్ధాంతాలు లక్ష్యంగా కింగ్ బుద్ధని రూపొందించినట్లు సత్య రెడ్డి చెప్పారు.