‘సాంప్రదాయిని సుప్పిని సుద్దపూసని’ మూవీ రివ్యూ

నటీనటులు: శివాజీ, లయ, రోషన్, ప్రిన్స్, ధన్‌రాజ్, ఇమ్మానుయేల్, రఘు కారుమంచి, ప్రత్యేక పాటలో బండ్ల గణేష్
సినిమాటోగ్రఫీ: రిత్విక్ రెడ్డి
ఎడిటింగ్: బాలు మనోజ్ డి.
సంగీతం: రంజిన్ రాజ్
నిర్మాత: శివాజీ
బ్యానర్: శ్రీశివాజీ ప్రొడక్షన్స్
రచన, దర్శకత్వం: సుధీర్ శ్రీరామ్
విడుదల తేదీ: 06 మార్చి 2026
సినిమా నిడివి: 146.53 నిమిషాలు

ఇటీవలికాలంలో నటుడిగా విభిన్నమైన పాత్రలు చేస్తూ ప్రేక్షకులను మెప్పిస్తున్న శివాజీ ప్రధాన పాత్రలో నటించిన చిత్రం ‘సాంప్రదాయిని సుప్పిని సుద్దపూసని’. సుధీర్ శ్రీరామ్ దర్శకత్వంలో శివాజీ నిర్మాణంలో రూపొందించిన ఈటీవీ విన్ సమర్పించింది. శివాజీ ప్రధాన పాత్రలో రూపొందించిన ’90ల మిడిల్ క్లాస్ బయోపిక’ వెబ్ సిరీస్‌లో ఈ టైటిల్ వినిపిస్తోంది. అప్పటి నుంచి ‘సాంప్రదాయిని సుప్పిని సుద్దపూసని’ అంటూ చాలా స్కిట్స్‌లో, రీల్స్‌లో మనం చూస్తున్నాం. ఇప్పుడు అదే టైటిల్‌తో శివాజీ నిర్మించిన ఈ సినిమా మార్చి 6న ప్రేక్షకుల ముందుకు వచ్చింది. మరి ఈ సినిమాను ఏ జోనర్‌లో చేశారు, ప్రేక్షకులను ఏమేర ఆకట్టుకుంది అనే విషయాలు తెలుసుకుందాం.

కథ:

శ్రీరామ్(శివాజీ) గ్రామ పంచాయతీ సెక్రటరీగా పనిచేస్తుంటాడు. నిజాయితీకి మారుపేరుగా ఉంటూ లంచం అనే మాటను కూడా దగ్గరకు రానివ్వడు. అయితే అతని భార్య డిఫరెంట్ మెంటాలిటీతో, క్రిమినల్ ఆలోచనలతో ఉంటుంది. కొడుకు మిట్టు(రోషన్) హైపర్ యాక్టీవ్. ఎప్పుడు ఏ పనిచేసి తండ్రికి తలనొప్పి తెస్తాడో తెలీదు. ఒకరోజు మంత్రి వస్తున్నాడన్న కారణంగా ఒక రోడ్డులో వెహికిల్స్‌ని ఆపేశాడు ఎస్.ఐ. అశోక్(ప్రిన్స్). ఆ తర్వాత మినిస్టర్ ఆ రూట్‌లో రావడం లేదని తెలిసి వెహికిల్స్‌ని వదలడు.

ఈ విషయంలో శ్రీరామ్, అశోక్ గొడవ పడతారు. కట్ చేస్తే.. ఒకరోజు అనుకోకుండా శ్రీరామ్ లేని సమయంలో అతని ఇంటికి వస్తాడు అశోక్. ఉమనైజర్ అయిన ఆ ఎస్.ఐ. శ్రీరామ్ భార్యపై కన్నేస్తాడు. ఆరోజు దీపావళి కావడంతో ఒక డమ్మీ గన్‌తో మిట్టు ఆడుకుంటూ ఇంటికి వస్తాడు. అశోక్ దగ్గర ఒరిజినల్ గన్ చూసి ఒకసారి చూస్తాను అంటాడు. అశోక్ అతనికి గన్ ఇస్తాడు. టెస్ట్ చేస్తానంటూ గన్‌తో అశోక్‌ను కాలుస్తాడు. స్పాట్‌లోనే అశోక్ చనిపోతాడు.

శ్రీరామ్ వచ్చిన తర్వాత విషయం తెలుసుకొని ఆ కేసు నుంచి తప్పించుకోవడానికి రకరకాల ప్లాన్స్ వేస్తారు. శవాన్ని వదిలించుకోవడానికి కారులో బయల్దేరతారు. ఆ వారికి ఎలాంటి సమస్యలు వచ్చాయి? వాటిని ఎలా ఎదుర్కొన్నారు అనేది మిగిలిన కథ.

విశ్లేషణ:

టైటిల్ చూస్తే ఇదేదో కామెడీ సినిమా అనే ఫీలింగ్ కలుగుతుంది. అయితే సినిమా ప్రారంభంలో కొన్ని కామెడీ సీన్స్‌తో నవ్వించే ప్రయత్నం చేశారు. ఆ కామెడీలో కూడా కొత్తదనం ఏమీ లేదు. ఈమధ్యకాలంలో మనం చూస్తున్న కామెడీలాగే అనిపిస్తుంది. మొదటి అరగంట అలాంటి కామెడీ సీన్స్‌తో టైం పాస్ చేశాడు డైరెక్టర్. ఎస్.ఐ. అశోక్‌ను శ్రీరామ్ కొడుకు కాల్చడంతో అసలు కథ మొదలవుతుంది.

ఇందులో రెండు కథల్ని ఇన్వాల్వ్ చేసి ఒక దగ్గరకు చేర్చే ప్రయత్నం చేశారు. ఒకటి శ్రీరామ్ కథ అయితే, మరొకటి మంత్రికి సంబంధించిన కథ. ఒకటి తర్వాత ఒకటి అన్నట్టు రెండు కథలు నడుస్తుంటాయి. ఒక దశలో ఆ పాత్రనీ కలుపుతూ ఒక ట్విస్ట్ ఉంటుంది. అసలు కథ మొదలైన దగ్గర నుంచి ఎవరూ ఊహించని విధంగా రకరకాల ట్విస్టులు ఉంటాయి. ఆడియన్స్ వాటిని ఎంజాయ్ చేసే విధంగానే ఉన్నారు.

గతంలో ఈ తరహా సినిమా ద శ్యం సిరీస్‌గా వచ్చింది. కొన్ని సీన్స్‌లో ప్రేక్షకులకు ఆ సినిమా గుర్తుకు వస్తుంది. కొన్ని సీన్స్‌ని గ్రిప్పింగ్‌గా తీసినప్పుడు కొన్ని సీన్స్‌లు లెంగ్తీగా, పేలవంగా అనిపిస్తాయి. ఓవరాల్‌గా చూస్తే సెకండాఫ్ నుంచి ఎండింగ్ వరకు సినిమా బాగుంది.

నటీనటులు:

శ్రీరామ్‌గా శివాజీ, అతని భార్యగా లయ, మిట్టుగా రోహన్ తమ నటనతో ఆకట్టుకున్నారు. భార్య చేసే విన్యాసాలకు శివాజీ ఇచ్చే ఎక్స్‌ప్రెషన్స్ బాగా ఉన్నాయి. ఇక హైపర్ యాక్టివ్‌గా ఉండే మిట్టు క్యారెక్టర్‌ను రోహన్ ఎప్పటిలాగే బాగా చేశాడు. మిగిలిన పాత్రల్లో నెగెటివ్ షేడ్స్ ఉన్న ఎస్.ఐ. క్యారెక్టర్‌లో ప్రిన్స్ మంచి నటనను ప్రదర్శించాడు. అతనికి విలన్‌గా మంచి భవిష్యత్తు ఉండే అవకాశం ఉంది. మిగిలిన పాత్రల్లో ధనరాజ్, కాదంబరి కిరణ్, అప్పుడప్పుడు కనిపించి నవ్వించే ప్రయత్నం చేసిన ఇమ్మానుయేల్ ఫర్వాలేదు అనిపించారు. సినిమా ప్రారంభంలో రఘు కారుమంచి కూడా నవ్వించే ప్రయత్నం చేశాడు.

నిపుణులు సాంకేతిక:

క్రైమ్ కామెడీగా రూపొందించిన ఇలాంటి సినిమాకి సినిమాటోగ్రఫీ అనేది ప్రధాన పాత్ర పోషిస్తుంది. కథ, కథనాలకు తగ్గట్టుగానే రిత్విక్‌రెడ్డి సినిమాటోగ్రఫీ బాగుంది. థ్రిల్ చేసే కొన్ని కెమెరా యాంగిల్స్ కూడా రిత్విక్ ట్రై చేశాడు. బాలు మనోజ్ ఎడిటింగ్ బాగుంది. అయితే ఫస్ట్ హాఫ్‌లో కొన్ని సీన్స్‌లో ల్యాగ్ ఉంది. అయితే డైరెక్టర్ సూచనలను అలాగే వదిలేసి ఉండొచ్చు. వాటిని ట్రిమ్ చేసి ఉంటే సినిమా మరింత స్పీడ్ అవుతుంది.

ఇక సంగీతం విషయానికి వస్తే.. సినిమాలో పాటలు లేవు. ఉన్న ఒకే ఒక్క పాటను సినిమా ఎండింగ్‌లో వాడారు. ఈ పాటలో బండ్ల గణేష్ నటించడం విశేషం. ‘పాయ పాయ’ అంటూ తెలుగు, ఉర్దూ భాషల్లో సాగే ఈ పాటకు భోలే షావలి సంగీతం అందించడంతోపాటు పాడారు. రంజిన్ రాజ్ బ్యాక్‌గ్రౌండ్ స్కోర్ సినిమా మూడ్‌కి తగ్గట్టుగా బాగా చేశాడు.

డైరెక్టర్ సుధీర్ శ్రీరామ్ గురించి చెప్పాలంటే.. కథను, కథలోని ట్విస్టుల్ని, సస్పెన్స్‌ని చివరి వరకు మెయిన్‌టెయిన్ చేయడంలో సక్సెస్ అయ్యాడు. ప్రేక్షకులను అసలు కథలోకి తీసుకెళ్లే ముందు కొన్ని పేలవమైన కామెడీ సీన్స్, ల్యాగ్ అనిపించే సీన్స్ ప్రేక్షకులను ఇబ్బంది పెట్టాయి. ఓవరాల్‌గా డైరెక్టర్‌కి మంచి మార్కులు పడతాయి.

ప్లస్ పాయింట్స్:
ట్విస్టులు
సస్పెన్స్
నటినటుల పెర్ఫార్మెన్స్
స్క్రీన్ ప్లే

మైనస్ పాయింట్లు:
ఫస్ట్‌హాఫ్‌లో స్లో నెరేషన్
కొన్ని పేలవమైన సీన్స్

ఫైనల్‌గా..
టైటిల్ కామెడీగా అనిపించినా.. ఊహించని ట్విస్టులు, షాక్‌కి గురి చేసే సస్పెన్స్ ప్రేక్షకులను థ్రిల్ చేస్తుంది. క్రైమ్, సస్పెన్స్ మూవీస్‌ని ఎంజాయ్ చేసే వారికి ఈ సినిమా నచ్చుతుంది.

రేటింగ్: 2.75/5

– జి.హరా