న్యూస్ 24అవర్స్ టివి-సూర్యాపేట టౌన్, 19.03.2025: సూర్యాపేట పట్టణ మరియు పరిసర ప్రాంత ప్రజలకు ఉచిత మెగా వైద్య శిబిరాన్ని ఈ నెల 21న సూర్యాపేట జిల్లా కేంద్రంలో నిర్వహిస్తున్నట్లు ప్రోగ్రాం చైర్మన్ గండూరి కృపాకర్ ఒక ప్రకటనలో తెలిపారు. గండూరి ట్రస్ట్ , ది క్లాత్ మర్చంట్స్ అసోసియేషన్ , లయన్స్ క్లబ్ అఫ్ సూర్యాపేట, వాసవి క్లబ్, టైలర్స్ అసోసియేషన్, గ్రీన్ క్లబ్ ట్రస్ట్ వారి సంయుక్త ఆధ్వర్యంలో 21 మార్చ్ 2025 శుక్రవారం ఉదయం 9 గంటల నుండి మధ్యాహ్నం 2 గంటల వరకు ఉచిత మెగా వైద్య శిబిరం పాత నవతా ట్రాన్స్ పోర్ట్ స్థలంలో రామలింగేశ్వర థియేటర్ దెగ్గర సూర్యాపేట నందు జరుగును.
ఈ ఉచిత మెగా వైద్య శిబిరం నందు యశోద హాస్పిటల్ సోమాజిగూడ హైదరాబాద్ వారి అద్వర్యంలో గుండె సమస్యలకు, ఎముకల సమస్యలకు, చిన్న పిల్లల సమస్యలకు, స్త్రీల సమస్యలకు, సాధారణ సమస్యలకు, బీపీ, షుగర్, ఈసీజీ, ఛాతి వైద్య విభాగం వంటి సమస్యలకు ఉచితంగా చూడబడును.
ఎస్ వి ఆర్ కిడ్నీ అండ్ సూపర్ స్పెషలిటీ హాస్పిటల్ వారి ఆధ్వర్యంలో గ్యాస్ట్రో అండ్ లివర్ సమస్యలు, నరాల సంబంధిత సమస్యలు, కిడ్నీ సమస్యలు చూడబడును.
శ్రీహన్ మల్టీ స్పెషలిటీ హాస్పిటల్ వారి ఆధ్వర్యంలో చెవి, ముక్కు గొంతు సమస్యలకు ఉచితంగా చూడబడును.
శ్రీ కంటి మరియు ప్రసూతి హాస్పిటల్ వారి ఆధ్వర్యంలో కంటి సమస్యలకు ఉచితంగా చూడబడును.
మణి దంత వైద్యశాల వారి ఆధ్వర్యంలో దంత సమస్యలకు ఉచితంగా చూడబడును. కావున ఇట్టి ఉచిత మెగా వైద్య శిబిరాన్ని పట్టణ ప్రజలు సద్వినియోగ పరుచుగోలరని గండూరి కృపాకర్ కోరుతున్నారు.
