తమిళనాడు సంచలనం రేపుతున్న తమిళ రాజకీయాల్లో వెట్రి కళగం (TVK) అధినేత దళపతి విజయ్, తాజాగా మరో వివాదంలో చిక్కుకున్నారు. ప్రభుత్వ ఏర్పాటు దిశగా అడుగులు వేస్తున్న తరుణంలో.. రాజకీయాలతో ఎలాంటి సంబంధం లేని వ్యక్తులను గవర్నర్ కార్యాలయానికి తీసుకెళ్లడంపై విమర్శలు వెల్లువెత్తుతున్నాయి. (తలపతి విజయ్)
వివాదానికి కారణం?
గవర్నర్తో జరిగిన కీలక సమావేశంలో విజయ్ వెంట ఇద్దరు వ్యక్తులు కనిపించడం సోషల్ మీడియాలో హాట్ టాపిక్గా మారింది. వారు మరెవరో కాదు.. ఒకరు ‘జననాయకన్’ నిర్మాత వెంకట్ కె. నారాయణ (కర్ణాటక), మరొకరు ఆంధ్రప్రదేశ్కు చెందిన గ్రానైట్, మైనింగ్ వ్యాపారవేత్త విష్ణు రెడ్డి.
పార్టీలో ఎలాంటి అధికారిక పదవులు లేని, రాజకీయాలకు సంబంధం లేని ఈ ఇద్దరు వ్యక్తులు.. ప్రభుత్వ ఏర్పాటు వంటి అత్యంత కీలకమైన చర్చల సమయంలో లోక్ భవన్లో ఎందుకు ఉన్నారని నాయకులు, రాజకీయ విశ్లేషకులు ప్రశ్నిస్తున్నారు.
“తమిళనాడు భవిష్యత్తును నిర్ణయించే చర్చల్లో కర్ణాటకకు చెందిన సినీ నిర్మాత, ఆంధ్రప్రదేశ్కు చెందిన వ్యాపారికి ఏం పని?” అంటూ నెటిజన్లు మండిపడుతున్నారు. రేపు వీరే వెనుక ప్రభుత్వం నడుపుతున్నారా? అని మరికొందరు అనుమానం వ్యక్తం చేస్తున్నారు. ప్రోటోకాల్ ప్రకారం ప్రైవేట్ వ్యక్తులను అధికారిక భేటీలకు గవర్నర్ కార్యాలయం ఎలా అనుమతించిందనే కోణంలోనూ వివరణ కోరుతోంది.
విజయ్ రాజకీయాల్లోకి ఒక ఎత్తు అయితే, తన చుట్టూ ఉన్నవారి విషయంలో ఆయన తీసుకుంటున్న నిర్ణయం ఇప్పుడు కొత్త తలనొప్పిగా మారుతోంది. వ్యక్తిగత సాన్నిహిత్యం, అధికారిక భేటీలకు వ్యాపారవేత్తలను, నిర్మాతలను తీసుకెళ్లడం వల్ల రాజకీయంగా విమర్శలు వస్తున్నాయి. ఈపై విజయ్ లేదా టీవీకే ఎలాంటి వివరణ ఇస్తాయో వేచి చూడాలి వివాదం.
రాజకీయ ఉత్కంఠ
ఒకవైపు ఈ వివాదం నడుస్తుండగానే, మరోవైపు తమిళనాడులో ప్రభుత్వ ఏర్పాటుపై సందిగ్ధత కొనసాగుతోంది. VCK పార్టీ ఇంకా విజయ్కు మద్దతు లేఖ ఇవ్వలేదు. IUML పార్టీ డీఎంకే కూటమిలోనే ఉండాలని నిర్ణయించుకోవడం విజయ్ కూటమిని మారుస్తోంది. విజయ్ ముఖ్యమంత్రిగా ప్రమాణ స్వీకారం చేయాలంటే 118 ఎమ్మెల్యేల మద్దతు కావాలి. ప్రస్తుతం 116 మంది ఉన్నారు. వీసీకే పార్టీకి చెందిన ఇద్దరు ఎమ్మెల్యేల మద్దతు కోసం విజయ్ చర్చలు జరుపుతున్నారు.
