దత్తాత్రేయ స్వామి గుడిలో పుట్టిన పవర్ ఫుల్ కథ!

మెగా పవర్ స్టార్ రామ్ చరణ్, ‘ఉప్పెన’ దర్శకుడు బుచ్చిబాబు సానా కాంబినేషన్‌లో వస్తున్న ‘పెద్ది’ చిత్రం ఇప్పుడు సోషల్ మీడియాలో హాట్ టాపిక్. గ్లోబల్ స్టార్‌గా ఎదిగిన తర్వాత చరణ్ చేస్తున్న ఈ స్పోర్ట్స్ డ్రామాపై అంచనాలు ఆకాశన్నంటుతున్నాయి. అయితే ఈ సినిమా స్క్రిప్ట్ వెనుక ఉన్న ఒక ఆసక్తికరమైన ఆధ్యాత్మిక ప్రయాణాన్ని దర్శకుడు బుచ్చిబాబు ఇటీవల బయటపెట్టారు. సాధారణంగా ఏసీ రూముల్లో కూర్చుని కథలు రాస్తుంటారు, కానీ బుచ్చిబాబు మాత్రం తన గురువు సుకుమార్ దగ్గర గ్రీన్ సిగ్నల్ డైరెక్టర్ తీసుకున్న వెంటనే పిఠాపురం వెళ్లారు. అక్కడ దత్తాత్రేయ స్వామి ఆలయ ప్రాంగణంలో నిలబడి ఈ సినిమా పూర్తి కథను, స్క్రిప్ట్‌ను సిద్ధం చేశారు. దైవ సన్నిధిలో పుట్టిన ఈ కథలో తెలియని శక్తి ఉందని, చరణ్ కూడా ఈ కథ వినగానే ఒక్క మార్పు కూడా చెప్పకుండా వెంటనే ఓకే చేశారని ఆయన ఎమోషనల్ అయ్యారు.

ఈ చిత్రంలో రామ్ చరణ్ మునుపెన్నడూ లేని విధంగా ఒక విలేజ్ బాడీ లాంగ్వేజ్‌తో, పవర్ ఫుల్ మాస్ లుక్‌లో కనిపించబోతున్నారు. ముఖ్యంగా ఆయన ‘పెద్ది పహిల్వాన్’గా కుస్తీ పోటీల్లో చేసే యాక్షన్ సీక్వెన్స్ సినిమాకే హైలైట్‌గా నిలవనున్నాయి. ఇప్పటికే విడుదలైన ‘చికిరి చికిరి’ పాట యూట్యూబ్‌లో సంచలనం సృష్టిస్తోంది. ఏఆర్ రెహమాన్ సంగీతం, బుచ్చిబాబు ఎమోషనల్ టేకింగ్ తోడైతే ఈ సినిమా బాక్సాఫీస్ వద్ద పూనకాలు తెప్పించడం ఖాయమని ఫ్యాన్స్ నమ్ముతున్నారు.

మరో విశేషమేమిటంటే, ఈ సినిమాలో సీనియర్ నటుడు జగపతి బాబు అత్యంత కీలకమైన మరియు డిఫరెంట్ విలన్ రోల్ పోషిస్తున్నారు. తన కెరీర్‌లోనే ఇలాంటి పాత్రను ఊహించలేదని జగ్గుభాయ్ చెప్పడం సినిమాపై మరింత క్యూరియాసిటీని పెంచింది. మే 18న ముంబైలో గ్రాండ్‌గా ట్రైలర్ లాంచ్ ఈవెంట్ ప్లాన్ చేశారు మేకర్స్. జూన్ 4న ప్రపంచవ్యాప్తంగా విడుదల కానున్న ఈ చిత్రం, రామ్ చరణ్ కెరీర్‌లో మరో మైలురాయిగా నిలవడమే కాకుండా, తెలుగు సినిమా ప్రపంచస్థాయికి తీసుకెళ్తుందని ట్రేడ్ వర్గాలు విశ్లేషిస్తున్నాయి.