[ad_1]
-సినిమా పేరు: సింగ్ గీతం
-న’టీన’టులు: అయాన్, అహిల్యా బమ్రూ, షాలిని కొండేపూడి, తులసి, శివనారాయణ, బెనర్జీ, అగు స్టాన్లీ -చిడోజీ, విజయ్ దేవరకొండ(అతిధి క్యారక్టర్)
-సినిమాటోగ్రఫీ: అనుకూర్
-మ్యూజిక్:దేవి శ్రీ ప్రసాద్
-నిర్మాత: నాగ్ అశ్విన్
-బ్యానర్స్: వైజయంతీ మూవీస్, స్వప్న సినిమా
-రచన,దర్శకత్వం: సింగీతం శ్రీనివాసరావు
-రిలీజ్ తేదీ : జూన్ 12 ,2026
విభిన్న కాన్సెప్ట్ తో కూడిన చిత్రాలని సెల్యూ లాయిడ్ పైకి తీసుకొచ్చే దర్శక నిఘంటువు సింగీతం శ్రీనివాసరావు.. ఈ రోజు ‘సింగ్ గీతం’ అనే మరో విభిన్నకాన్సెప్ట్ తో కూడిన చిత్రంతో ప్రేక్షకుల ముందుకు వచ్చారు..ప్రచార చిత్రాలతో క్రేజ్ ఏర్పడింది..మరి మూవీ ఎలా ఉందో చూద్దాం.
కథ
కుబేరపురం అనే విలేజ్ లో రేణు(శాలిని కొండేపూడి) ఆ ఊరి కొండల్లో ఉంటే బంగారం కోసం మైనింగ్ జరుపుకుంటారు.. ఊరి ప్రజలు కూలీలుగా పని చేస్తున్నారు. గౌరీ(అహిల్యా బమ్రూ) అమాయకత్వం, చిలిపితనం, ప్రేమ, జాలి నిండిన మంచి యువతి. ఆ ఊరిలో ఉంటే ఒకే ఒక్క భారీ వృక్షాన్ని తన తల్లిలా భావిస్తుంది. ఇంక ఆ ఊరిలో ఎలాంటి చిన్న మొక్క కూడా మొలవదు. ప్రతాప్( అయాన్) జైలు నుంచి రిలీజ్ అయ్యి కుబేరపురం చేరుకుంటాడు. ఊరి ప్రజలందరు తమ నాయకుడిగా కొలుస్తుంటారు. ఒకరోజు హఠాత్తుగా గౌరీ, రేణు, ప్రతాప్ తో సహా ఊరివాళ్ళందరూ తమ నోటి నుంచి వచ్చే మాటలని పాటల్లాగా పాడుతుంటారు. వాళ్లంతా వింతగా పాటలు ఎందుకు పాడుతున్నారు? పాటల వరకే ఆగారా? లేక మరో వింత సమస్య ఏమైనా వచ్చిందా? వాళ్ళ సమస్యలకి వాళ్ళు తీసుకున్న నిర్ణయాలకి సంబంధం ఉందా? ఉంటే అదేంటి? అసలు కుబేరపురం రహస్యం ఏంటి? అనేదే చిత్ర కథ
ఎనాలసిస్
సింగ్ గీతం లాంటి కాన్సెప్ట్ తో కూడిన ఐడియాలు కేవలం సింగీతం గారికే వస్తాయి. గుడ్ స్క్రిప్ట్. కానీ ఇలాంటి స్కిప్ట్ ని ప్రదర్శించాలంటే అది సింగీతం గారికే సాధ్యమని మరో సారి నిరూపించారు. మాములుగా నటిస్తూంటేనే నటుల దగ్గరనుంచి నటన రాబట్టడం దర్శకులకి చాలా కష్టం. అలాంటిది పాటలతో నటింపచేసి నటన రాబట్టడం కూడా సింగీతం గారికే చెల్లింది. దీంతో అయన ప్లేస్ ని మరొకరు మార్చుకోవడమే కష్టం. నటినటులు కూడా ఆయన నమ్మకాన్ని వమ్ము చేయలేదు. కాకపోతే సాంగ్స్ తో మాట్లాడుకోవడం కాకుండా మిగిలిన లైన్ తో కూడిన కథలు చాలానే వచ్చాయి ఫస్ట్ హాఫ్ లో చూస్తే సినిమా ప్రారంభమే మంచి క్యూరియాసిటీతో స్టార్ట్ అయ్యింది. గౌరీ, రేణు, ప్రతాప్ ఇంట్రడక్షన్ సీన్స్ బాగా ఉన్నాయి.
ఇక సింగీతం గారి మేజిక్ లోకి ఎప్పుడు వెళ్తాము అని ఎదురుచూస్తూ ఉండగానే మేజిక్ వస్తుంది. కానీ అందుకు ఒక అర్దాన్ని చూపించి ఎక్కడ కూడా పాటల రూపంలో మాట్లాడుకునే సీన్స్ బోర్ కొట్టలేదు. అంతలా సింగీతం గారు తన దర్శక మాయాజాలంతో మాయచేసారు. కాకపోతే కుబేర రహస్యాన్ని ఇంకొంచం క్లారిటీగా చూపించాల్సింది. ఆ విధంగా చూపించి ఉంటే ఇంటర్వెల్ ట్విస్ట్ మరింతగా ఎస్టాబ్లిష్ అవుతుంది. సెకండ్ హాఫ్ చేసుకుంటే సీన్ బై సీన్ వేగంగా పరుగెత్తడంతో పాటు స్క్రీన్ పై కూడా ఎవరు ఊహించని విధంగా సాగింది.
పాటల పాడటం అనే ప్రాబ్లెమ్ నుంచి మరో కొత్త ప్రాబ్లెమ్ ఊరి వాళ్ళకి వచ్చే ఎపిసోడ్ అయితే సెకండ్ హాఫ్ కి హైలెట్ గా నిలబడి ఫ్లాష్ బ్యాక్ ఎపిసోడ్ సూపర్. ఆ ఎపిసోడ్ లో ఉన్న పాయింట్ ని ఊరి ప్రజల ప్రాబ్లెమ్ కి మూలకారణం అనే పాయింట్ కి లింక్ పెడుతూ మరింతగా ఎలివేట్ చెయ్యవలసి వచ్చింది. టోటల్ గా మనిషికి ప్రకృతి, ప్రేమ, సహకారం అనేవే నిజమైన సంపద. లైఫ్ లోకి నువ్వు అనుకున్నది వస్తే స్వీకరించాలి.. దురాశపడకూడదు అని చెప్పిన పాయింట్ బాగుంది. క్లైమాక్స్ లో విజయ్ దేవరకొండ కనపడి జోష్ తెచ్చాడు. సరదాగా ఎంజాయ్ చెయ్యాలంటే మూవీ చూడవచ్చు.
నటినటులు సాంకేతిక నిపుణుల పనితీరు
గౌరీగా అహిల్యా బమ్రూ ఒక రేంజ్ పెర్ఫార్మ్ ప్రదర్శించింది. తెలుగు సినిమాకి మరో అందంతో కూడిన మంచి పెర్ ఫార్మర్ దొరికినట్టే. అయాన్ కూడా తన క్యారక్టర్ కి పర్ఫెక్ట్ గా సూటయ్యాడు తన సినీ లైఫ్ లో సింగ్ గీతం మూవీ ఉందని గర్వంగా చెప్పుకునేలా పెర్ఫార్మ్ చేసాడు. రేణు కూడా తన క్యారక్టర్ పరిధి మేరకు నటించి మెప్పించింది. మిగిలిన నటీనటులు కూడా తమ క్యారెక్టర్స్ కి నూటికి నూరు శాతం న్యాయం చేసారు. ఇక దర్శక ఉద్దండుడు సింగీతం గారి దర్శక, రచన ప్రతిభ ప్రతి సీన్ లో సాగింది. మనం ఊహించని విధంగా సీన్ ఎండ్ అవుతుంది. . దీన్ని ఆయన మేధస్సు ఏ స్థాయిలో ఇంకా భద్రంగా ఉందో అర్ధం చేసుకోవచ్చు. ఇలాంటి పిక్చర్స్ తెరకెక్కించాలంటే అది నా వల్లే అని మరో సారి సగర్వంగా నిరూపించారు. వైజయంతి, స్వప్న సినిమా నిర్మాణ విలువలు హైలెట్. దేవిశ్రీ ప్రసాద్ మ్యూజిక్, బ్యాక్ గ్రౌండ్ స్కోర్, ఫొటోగ్రఫీ అతి పెద్ద ఎసెట్.
బలాలు
1 .నటీనటుల పెర్ ఫార్మెన్స్
2 . సింగీతం గారి డైరెక్షన్
3 . బ్యాక్ గ్రౌండ్ స్కోర్
4 . మాటల్ని సాంగ్స్ గా పాడుకునే సీన్స్
5 . కుబేరుడి కాన్సెప్ట్
6 . క్లైమాక్స్ లో విజయ్ దేవరకొండ కనపడటం
బలహీనతలు
1 ఓల్డ్ కథ(బ్యాక్ గ్రౌండ్ గా ఎంచుకుంది)
చివరిగా చెప్పుకోవాలంటే సింగీతం గారి నుంచి వచ్చిన సినిమాలు తెలుగు ఇండస్ట్రీకి, ప్రేక్షకులకి దక్కిన వరం. ఆయన ప్రయోగాలు రేటింగ్ కి అతీతం.
అరుణాచలం
[ad_2]
