[ad_1]
హాలీవుడ్ చలనచిత్ర చరిత్రలోనే సరికొత్త రికార్డులను సృష్టించిన సైకలాజికల్ హారర్ థ్రిల్లర్ మూవీ ‘అబ్సెషన్’ (అబ్సెషన్). ఇప్పుడు డిజిటల్ స్క్రీన్పై అలరించేందుకు సిద్ధమైంది. కేవలం 750,000 డాలర్లు అంటే మన భారతీయ కరెన్సీలో దాదాపు 7 కోట్ల బడ్జెట్తో ప్రపంచవ్యాప్తంగా 2000 కోట్లు ($248.6 మిలియన్ కంటే ఎక్కువ) వసూళ్లను సాధించి సరికొత్త చరిత్ర సృష్టించింది. హాలీవుడ్లో గతంలో సంచలనం సృష్టించిన ‘ది బ్లెయిర్ విచ్ ప్రాజెక్ట్’, అలాగే ఆస్కార్ గెలుచుకున్న ‘గెట్ అవుట్’ వంటి పెద్ద చిత్రాల లైఫ్టైమ్ కలెక్షన్ల రికార్డులను కూడా ఈ సినిమా బద్దలు కొట్టడం విశేషం.
భారతదేశంలో కూడా ఈ హారర్ ప్రేక్షకులు బ్రహ్మరథం పట్టారు. మన దేశంలో అత్యధిక వసూళ్లు సాధించిన హాలీవుడ్ చిత్రాలలో ఒకటిగా నిలిచిన అబ్సెషన్, కేవలం ఇండియా బాక్సాఫీస్ వద్దే .77 కోట్లకు పైగా గ్రాస్ వసూలు చేసి ట్రేడ్ వర్గాలను సైతం ఆశ్చర్యపరిచింది. థియేటర్లలో అపూర్వమైన ప్రజాదరణ పొందడం వల్ల డిస్ట్రిబ్యూటర్ సంస్థ ఫోకస్ ఫీచర్స్ దీని డిజిటల్ విడుదలను వాయిదా వేస్తూ వచ్చింది. జూన్ 2వ తేదీనే ఓటీటీలోకి రావాల్సిన ఈ చిత్రం, థియేట్రికల్ రన్ అద్భుతంగా సాగడంతో పాటు జూన్ 2 ఒక్కరోజే థియేటర్లలో ఏకంగా 5.7 మిలియన్ డాలర్లు వసూలు చేయడంతో డిజిటల్ రిలీజ్ డేట్ని పొడిగించారు.
ఈ చిత్ర కథాంశం విషయానికి వస్తే, బేర్ లేదా బారన్ బెయిలీ (మైఖేల్ జాన్స్టన్) అనే మ్యూజిక్ స్టోర్ ఉద్యోగి తన చిన్ననాటి స్నేహితురాలు నిక్కీ ఫ్రీమెన్ (ఇండీ నవరెట్టే)ను ప్రాణంగా ప్రేమిస్తాడు. కానీ తన ప్రేమను వ్యక్తపరిస్తే ఆమె ఎక్కడ దూరమవుతుందో అనే భయంతో మనసులోనే దాచుకుంటాడు. ఈ కోరికనే అతనికి కోరికలు నెరవేర్చే ‘వన్ విష్ విల్లో’ అనే ఒక వింత మాయ స్టిక్ లభిస్తుంది. దాన్ని విరగ్గొట్టి ‘ఈ ప్రపంచంలో అందరికంటే ఎక్కువగా నిక్కీ నన్నే ప్రేమించాలి’ అని బేర్ కోరుకుంటాడు. ఆ మాయ శక్తి ప్రభావంతో నిక్కీ అతడిని విపరీతంగా ప్రేమించడం ప్రారంభిస్తుంది.
ఇది కూడా చదవండి: Pawan Kalyan: పవన్ కళ్యాణ్ జోడిగా పూజాహెగ్డే!
అయితే మొదట్లో ఎంతో అందమైన రొమాంటిక్ ఫాంటసీలా కనిపించిన ఈ ప్రేమ, రానురాను ఒక పీడకలగా మారుతుంది. నిక్కీ ప్రేమ క్రమంగా పిచ్చిగా, ఒక భయంకరమైన సైకో అబ్సెషన్గా రూపాంతరం చెందుతుంది. ఆ మితిమీరిన ప్రేమ కాస్త ప్రాణాంతక పరిస్థితులకు దారితీసిన కథను ఒక డార్క్ సైకలాజికల్ థ్రిల్లర్గా మారుస్తుంది. కర్రీ బార్కర్ అద్భుతమైన డైరెక్టర్ స్క్రీన్ప్లే, లీడ్ పెయిర్ నటన ప్రేక్షకులను సీట్ల అంచున కూర్చోబెడుతుంది. ఎంతో కాలంగా ఈ గ్లోబల్ హారర్ ఫెనామినా చివరకు జూన్ 30, అంటే రేపాటి నుంచి యాపిల్ టీవీ (Apple TV)తో పాటు అమెజాన్ ప్రైమ్ వీడియోలో డిజిటల్ పర్చేజ్ మరియు రెంటల్ విధానంలో అందుబాటులోకి రానుంది. హారర్ ప్రేమికులని భయపెట్టేందుకు వస్తున్న ఈ మాస్టర్పీస్ను అస్సలు మిస్ అవ్వకండి.
[ad_2]
