మార్కెట్లో ఘనంగా అంతర్జాతీయ మహిళా దినోత్సవం వేడుకలు

న్యూస్ 24అవర్స్ టివి-తిరుమలగిరి టౌన్, 08.03.2025: అంతర్జాతీయ మహిళా దినోత్సవం సందర్భంగా తిరుమలగిరి వ్యవసాయ మార్కెట్ చైర్మన్ ఎల్సోజు చామంతి నరేష్ మండల కేంద్రం ఉన్న మహిళలందరికీ హృదయ పూర్వక శుభాకాంక్షలు తెలుపుతూ వ్యవసాయ మార్కెట్లో పనిచేస్తున్న మహిళలందరికీ శాలువాలతో సత్కరించి అంతర్జాతీయ మహిళా దినోత్సవ శుభాకాంక్షలు తెలిపారు. వారు మాట్లాడుతూ సాధికారత, లింగ సమానత్వం సాధించే దిశగా ప్రజా ప్రభుత్వం అమలు చేస్తున్న పథకాలన్నింటిలోనూ మహిళలకే ప్రథమ ప్రాధాన్యతనిస్తోందని గుర్తుచేశారు. సృష్టికి మూలం, జగతికి ఆధారం, అలుపెరగని శ్రమతత్వంతో పనిచేస్తున్న నారీశక్తికి చైర్మన్ ప్రత్యేక వందనాలు తెలియజేశారు. ఈ కార్యక్రమంలో మండల పార్టీ అధ్యక్షులు ఎల్సోజు నరేష్, మండల వర్కింగ్ ప్రెసిడెంట్ ధరావత్ జుమ్మిలాల్ నాయక్, పట్టణ అధ్యక్షులు పేరాల వీరేష్ పిఎసిఎస్, సొసైటీ చైర్మన్ పాలెపు చంద్రశేఖర్,మార్కెట్ డైరెక్టర్ రాపాక సోమేష్, మమ్మద్ ఆఫీస్, దొడ్డ రమేష్, ఆంగోతు రాములు నాయక్, గదరబోయిన ఉప్పలయ్య,రవి, ఎల్సోజు నవీన్,సోమయ్య, యస్టీ సెల్ అధ్యక్షులు ప్రేమ్ ప్రసాద్, రాజు, సుధాకర్ నాయక్, సైద,బీమా హమాలీలు నాయకులు తదితరులు పాల్గొన్నారు.