*కన్నులపండువగా క్లాత్ మర్చంట్ అసోసియేషన్ సభ్యుల ప్రమాణ స్వీకారం…
న్యూస్ 24అవర్స్ టివి-సూర్యాపేట టౌన్, 16.03.2025: సూర్యాపేట పట్టణంలోని క్లాత్ మర్చంట్ అసోసియేషన్ సభ్యులు ఐకమత్యంతో కలిసి మెలిసి పనిచేసి తమ సమస్యల పరిష్కారానికి కృషి చేయాలని ది సూర్యాపేట క్లాత్ మర్చంట్ అసోసియేషన్ అధ్యక్షులు గండూరి కృ పాకర్ అన్నారు. ఆదివారం సూర్యాపేట క్లాత్ మర్చంట్ అసోసియేషన్ కమిటి సభ్యుల ప్రమాణ స్వీకారం కార్యక్రమం కన్నులపండువగా నిర్వహించారు. ఈ కార్యక్రమంలో గండూరి కృపాకర్ మాట్లాడుతూ గతంలో అనేక సమస్యల పైన అసోసియేషన్ ఐకమత్యంతో పోరాటం చేసిందని అన్నారు. మున్సిపల్ ట్రేడ్ లైసెన్స్ ల విషయంలో రాష్ట్రంలోని ఇతర జిల్లాల అసోసియేషన్ లతో కలిసి పనిచేద్దామని అన్నారు. యూనియన్ పాత భవనం అమ్మిన తరువాత కొత్త భవనం కోసం సంవత్సరం పాటు వెదికిన తరువాత నూతన భవనం కొనుగోలు చేసినట్లు చెప్పారు. నూతన భవనం కొనుగోలు మరమ్మత్తులకు అసోసియేషన్ సభ్యులు ప్రతి ఒక్కరూ ముందుకు వచ్చి సహాయం చేశారని వారందరికి ధన్యవాదములు తెలిపారు. నూతన భవనం కొనుగోలు సందర్భంగా తమకు సహకరించిన సిఎంఆర్ షాపింగ్ మాల్ యాజమాన్యానికి ధన్యవాదాలు తెలిపారు. ఈ సందర్భంగా పలువురు సభ్యులు మాట్లాడుతూ ప్రస్తుతం వ్యాపార రంగంలో నూతన ప్యాషన్లకు అనుగుణంగా కొత్త స్టాక్ తీసుకుని వచ్చి, తక్కువ లాభాలతో అమ్మే దుకాణాలను ప్రజలు ఆదరిస్తున్నారని అన్నారు. ప్రస్తుత పోటి ప్రపంచంలో కస్టమర్ లతో మర్యాదపూర్వకంగా మాట్లాడుతూ వ్యాపారం అభివృద్ధి చేసుకోవాలని అన్నారు.
ADVERTISEMENT
ఈ కార్యక్రమంలో క్లాత్ మర్చంట్ అసోసియేషన్ సూర్యాపేట అధ్యక్షులు గా గండూరి కృపాకర్, ఉపాధ్యక్షులుగా గుంటి మధుసూధన్, సాగిరాజు మధుసూదన్, సయ్యద్ షఫి, ప్రధాన కార్యదర్శి శింగిరికొండ ప్రదీప్ కుమార్, ప్రధాన సలహాదారులు గండూరి శంకర్, శింగిరికొండ రవీందర్, మొరిశెట్టి కోటేశ్వరరావు, ఈగ వెంకటేశ్వర్లు, కర్నాటి సురేందర్, కోశాధికారి అనంతుల రాజేశ్వర్, సహాయ కార్యదర్శి బొమ్మగాని సైదులు, సంయుక్త కార్యదర్శి తేలుకుంట్ల చంద్రశేఖర్, దాసరి రమేష్, పిఆర్ వొ పాపని యాదగిరి, కార్యవర్గ సభ్యులు మొరిశెట్టి సత్యనారాయణ, కందిబండ శ్రీను, శ్రీరంగం శ్రీనివాసు, మహేందర్ కర్ ప్రకాష్, కాట్కర్ సత్యనారాయణ, పెండెం రామమూర్తి, ఈగ దివాకర్, ఈగ శ్రీనివాస్, వజినేపల్లి రామారావు, యలగందుల గౌతమ్, గోలి వెంకటేష్, ఉప్పల నరసింహారావు, అబ్దుల్ జహీర్, మహమ్మద్ జానిపాషా, ఎలగందుల శ్రీనివాస్, బాల్నె క్రాంతి కుమార్ లు ప్రమాణ స్వీకారం చేశారు. అనంతరం అసోసియేషన్ సభ్యులను శాలువాలతో ఘనంగా సన్మానించారు.
