1000 కోట్ల క్లబ్‌లో విజయ్?,, జన’నాయగన్‌పై సోషల్ మీడియాలో రచ్చ!

తమిళ స్టార్ హీరో, దళపతి విజయ్ వెండితెరపై చేసే మ్యాజిక్ గురించి ప్రత్యేకంగా చెప్పాల్సిన అవసరం లేదు. ఆయన సినిమా వస్తుందంటే చాలు బాక్సాఫీస్ వద్ద రికార్డుల మోత మోగాల్సిందే. ప్రస్తుతం విజయ్ తన ఆఖరి చిత్రంగా భావిస్తున్న ‘జననాయకన్’ పై అంచనాలు ఆకాశాన్ని తాకుతున్నాయి. తాజాగా ఈ సినిమా కలెక్షన్ల విషయంలో ఒక ఆసక్తికరమైన వార్త సోషల్ మీడియాలో తెగ వైరల్ అవుతోంది.

హెచ్. వినోద్ దర్శకత్వంలో తెరకెక్కుతున్న ఈ పొలిటికల్ థ్రిల్లర్ మూవీపై అభిమానుల్లో భారీ అంచనాలు ఉన్నాయి. అయితే, ఈ సినిమా గనుక థియేటర్లలో సరైన సమయంలో విడుదలైంది, పాజిటివ్ టాక్ సొంతం చేసుకుంటే ఏకంగా 1000 కోట్ల రూపాయల గ్రాస్ వసూలు చేయడం ఖాయమని ఇండస్ట్రీ వర్గాల్లో చర్చ జరుగుతోంది. విజయ్ క్రేజ్, పొలిటికల్ బ్యాక్‌డ్రాప్ కలగలిసి ఈ రికార్డును సులువుగా అందుకుంటాయని విశ్లేషకులు. దీనికి సంబంధించి సోషల్ మీడియాలో ఫ్యాన్స్ రచ్చ చేస్తున్నారు. అంతేకాదు, జననాయకన్ సినిమాకి సంబంధించిన 1000 కోట్ల పోస్టర్‌ని కూడా వైరల్ చేస్తున్నారు.

ఈ విజయ్ సరసన పూజా హేంగ్డే నటించగా.. బాబీ డియోల్, మమితా బైజు కీలక పాత్రల్లో కనిపించనున్నారు. ఇప్పటికే విడుదలైన పోస్టర్లు, చిన్నపాటి గ్లింప్స్ సినిమాపై హైప్‌ను రెట్టింపు చేశాయి. అనిరుధ్ రవిచందర్ సంగీతం ఈ చిత్రానికి ప్రధాన ఆకర్షణగా నిలవనుంది.

గతంలో విజయ్ నటించిన ‘లియో’, ‘గాట్’ వంటి చిత్రాలు బాక్సాఫీస్ వద్ద భారీ వసూళ్లను రాబట్టాయి. ఇప్పుడు ‘జననాయగన్’ ఆయన కెరీర్‌లోనే చివరి సినిమా కావడం వల్ల అభిమానులు దీనిని ఎంతో ప్రతిష్టాత్మకంగా తీసుకుంటున్నారు. కేవలం తమిళనాడులోనే కాకుండా తెలుగు, కేరళ, కర్ణాటక మార్కెట్లలో కూడా ఈ సినిమాకు భారీ బిజినెస్ జరిగే అవకాశం ఉంది.

సోషల్ మీడియాలో విజయ్ ఫ్యాన్స్ ఇప్పటికే ‘1000 కోట్ల టార్గెట్’ అంటూ హ్యాష్ ట్యాగ్‌లతో రచ్చ చేస్తున్నారు. ఒకవేళ ఈ ఫీట్ గనుక సాధ్యమైతే, కోలీవుడ్ చరిత్రలో సరికొత్త రికార్డు సృష్టించిన హీరోగా విజయ్ నిలిచారు. మరి ఈ ‘జననాయకన్’ బాక్సాఫీస్ దగ్గర ఎలాంటి వండర్స్ క్రియేట్ చేస్తాడో చూడాలి.