తెలుగు చిత్రపరిశ్రమలో తన అద్భుతమైన సాహిత్యంతో ప్రత్యేక ముద్ర వేసుకున్న ప్రముఖ గీత రచయిత జొన్నవిత్తుల రామలింగేశ్వరరావు మళ్లీ దర్శకుడిగా ప్రేక్షకుల ముందుకు రాబోతున్నారు. సమాజంలో మహిళల ప్రాధాన్యతను చాటిచెప్పేలా ఒక వినూత్నమైన లేడీ ఓరియంటెడ్ కథాంశంతో ఆయన మెగాఫోన్ పట్టారు. ఈ చిత్రం ‘లలిత’ అనే పవర్ఫుల్ టైటిల్ను ఖరారు చేశారు.
ఈ సినిమాతో సరికొత్త నటినటులను టాలీవుడ్కు పరిచయం చేస్తున్నారు జొన్నవిత్తుల. తాజాగా ఈ మూవీ నుంచి హీరోయిన్ నందిని ఫస్ట్ లుక్ పోస్టర్ను చిత్రబృందం సోషల్ మీడియా వేదికగా విడుదల చేసింది. “గర్ల్ఫ్రెండ్ అంటే బానిస కాదు” అనే ఆసక్తికరమైన క్యాప్షన్తో వచ్చిన ఈ పోస్టర్ ప్రస్తుతం నెత్తింట అందరి దృష్టిని ఆకర్షిస్తోంది. ఆత్మవిశ్వాసం, వ్యక్తిత్వం కోసం పోరాడే ఒక సామాజిక నేపథ్యమున్న మహిళ కథగా ఈ నిర్మాణాల సమాచారం.
కాస్మిక్ పవర్ క్రియేట్స్ ఎల్.ఎల్.పి. పతాకంపై పి. సుధీర్ రాజు, డి. వైష్ణవి నేహా సంయుక్తంగా ఈ చిత్రాన్ని నిర్మిస్తున్నారు. ఈ చిత్రం ద్వారా నందిని కథానాయికగా టాలీవుడ్ ఎంట్రీ ఇస్తుండగా.. అభిలాష్, అఖిల్ వివాన్ హీరోలుగా పరిచయం అవుతున్నారు. కేవలం దర్శకత్వమే కాకుండా ఈ చిత్ర కథ, స్క్రీన్ప్లే, సంభాషణలతో పాటు పాటలను కూడా జొన్నవిత్తుల స్వయంగా సమకూరుస్తుండటం విశేషం.
గతంలో జొన్నవిత్తుల దర్శకత్వం వహించిన ‘పెళ్ళాం పిచ్చోడు’, ‘సోంబేరి’ సినిమాలు మంచి వినోదాన్ని పంచాయి. అయితే, ఆ చిత్రాలకు భిన్నంగా ఈసారి ఒక సామాజిక బాధ్యత సబ్జెక్ట్ను ఆయన ఎంపిక చేసుకున్నారు. ఇంకా, గత చిత్రాలకు రాజేంద్ర ప్రసాద్, గాయకుడు మనో వంటి వారిని దర్శకులుగా పెట్టి ప్రయోగాలు చేసారు ఆయన.. ఈ సినిమా కోసం మణి-నాగరాజు అనే మ్యూజికల్ కపుల్ను ఎంపిక చేసుకున్నారు. నాగరాజు గారు ప్రసిద్ధ వేణు వాదకుడిగా ఆంధ్రప్రదేశ్ ప్రభుత్వ కళారత్న పురస్కారాన్ని కూడా అందుకున్నారు.
ఈ చిత్రంలో రఘు బాబు, పృథ్వీ రాజ్, తాగుబోతు రమేష్, డీడీ శ్రీనివాస్, వి. ఝాన్సీ మేఘన వంటి ప్రముఖ నటీనటులు కీలక పాత్రల్లో నటిస్తున్నారు. శ్రష్టి వర్మ ఈ నృత్య దర్శకురాలిగా ఉన్నారు. జొన్నవిత్తుల కలం నుంచి వస్తున్న ఈ సామాజిక చిత్రంపై ఇండస్ట్రీ వర్గాల్లో మరియు సినిమా ప్రేమికుల్లో మంచి అంచనాలు నెలకొన్నాయి. త్వరలోనే ఈ సినిమా విడుదల తేదీ మరియు మరిన్ని వివరాలను మేకర్స్ అధికారికంగా ప్రకటించనున్నారు.
