సూర్య(Suriya)వన్ మాన్ షో ‘కరుప్పు'(Karuppu)ఊరఫ్ వీరభద్రుడు బాక్సాఫీస్ వద్ద భారీ కలెక్షన్ల సునామీ సృష్టిస్తోంది. సాధారణంగా ఏ సినిమాకైనా మొదటి వీకెండ్ తర్వాత వచ్చే సోమవారం అత్యంత కీలకమైన పరీక్షగా మారుతుంది. అయితే ‘కరుప్పు’ తమిళనాడుతో పాటు తెలుగు రాష్ట్రాలు, కర్ణాటక, కేరళ ఓవర్సీస్ మార్కెట్లలో సోమవారం టెస్ట్లో అద్భుతమైన వసూళ్లను రాబట్టింది.
నాలుగు రోజులు ముగిసే సమయానికి కరుప్పు ఇండియా నెట్ వసూళ్లు 82.30 కోట్లకి చేరుకోగా, ఇండియా గ్రాస్ వసూళ్లు 95.30 కోట్లు. అటు ఓవర్సీస్ మార్కెట్లో కూడా సాలిడ్ రన్ కొనసాగుతోంది 4 కోట్లు రాబట్టడంతో అక్కడ మొత్తం గ్రాస్ వసూళ్లు 46 కోట్లకు చేరాయి. దీనితో కేవలం నాలుగు రోజుల్లోనే ‘కరుప్పు’ చిత్రం ప్రపంచవ్యాప్తంగా రూ. 141.30 కోట్ల నుండి 142.30 కోట్ల భారీ గ్రాస్ వసూళ్లను సొంతం చేసుకుని 2026 తమిళ చిత్ర పరిశ్రమలోనే అత్యధిక వసూళ్లు సాధించిన చిత్రంగా సరికొత్త రికార్డు సృష్టించింది.
ఇది కూడా చదవండి: పెద్ది: పెద్దికి చరణ్ తీసుకున్న రెమ్యునరేషన్ ఇదేనా! మిగిలిన వాళ్ళ పరిస్థితి ఏంటి
తెలుగు రాష్ట్రాల విషయానికి వస్తే, నాలుగు రోజులకి గాను 15.50 కోట్ల గ్రాస్ 7.94 కోట్ల షేర్ రాబట్టి అద్భుతమైన రన్ని కొనసాగిస్తోంది. కర్ణాటకలో మొదటి వీకెండ్ నాటికి 9.91 కోట్ల గ్రాస్ రాబట్టి సోమవారం నాడు మరో 1.67 కోట్లు జోడించి 11.58 కోట్ల గ్రాస్తో సూపర్ హిట్ దిశగా దూసుకుపోతోంది. ఇదే జోరు కొనసాగితే ఫుల్ రన్లో 250 కోట్ల క్లబ్లో అవకాశం ఉందని ట్రేడ్ విశ్లేషకులు అంచనా వేస్తున్నారు.
