[ad_1]
ధురంధర్(ధురంధర్)సిరీస్ తో బాలీవుడ్ లో తనకంటూ ఒక అధ్యాయాన్ని సృష్టించిన రణవీర్ సింగ్(రణ్వీర్సింగ్)పై డాన్ 3 వివాదం నేపథ్యంలో FWICE ఫెడరేషన్ ఆఫ్ వెస్ట్రన్ ఇండియా సినీ ఎంప్లాయీస్ గత మే 25న నాన్-కోఆపరేషన్ డైరెక్టివ్’ (సహాయ నిరాకరణ) ఆదేశాలు జారీ చేసింది. పేర్కొన్న ప్రకారం సినీ పరిశ్రమకి చెందిన ఏ టెక్నీషియన్, కార్మికుడు రణవీర్తో కలిసి పనిచేయకూడదనే పరిస్థితి ఏర్పడింది. ఒక రకంగా ఇది బాలీవుడ్లో రణవీర్ కెరీర్ను ఇరకాటంలో పడేసే నిర్ణయం.
అయితే ఈ కఠిన నిర్ణయంపై రణవీర్ సింగ్ మౌనాన్ని వీడి, జూన్ 2వ తేదీన నేరుగా FWICE సంస్థకు లీగల్ నోటీసులు పంపారు. వృత్తిపరమైన విషయాలను ఎప్పుడూ గౌరవంగా, పరిణతితో పరిష్కరించుకోవాలని భావించే రణవీర్, లీగల్ నోటీసులతో తన వాదనను బలంగా వినిపించారు. ఈ ఊహించని పరిణామంతో పరిశ్రమలో ఒక్కసారిగా ఉత్కంఠ. ప్రముఖ నిర్మాత టీపీ అగర్వాల్ కూడా FWICE నిర్ణయాన్ని సవాలు చేస్తూ ముంబై సివిల్ కోర్టుని ఆశ్రయించాడు.
ఈ ఉద్రిక్త పరిస్థితుల నడుమ పరిశ్రమకి చెందిన ఇతర సంఘాలు రంగంలోకి దిగాయి. ఇండియన్ మోషన్ పిక్చర్ ప్రొడ్యూసర్స్ అసోసియేషన్ (IMPPA), ప్రొడ్యూసర్స్ గిల్డ్ ఆఫ్ ఇండియా (PGI), మరియు సినీ అండ్ టీవీ ఆర్టిస్ట్స్ అసోసియేషన్ (CINTAA) సంయుక్తంగా ఈ వివాదంలో జోక్యం చేసుకున్నాయి. ఒక నటుడిపై ఇలాంటి కఠిన నిర్ణయాలు అమలు చేయడం వల్ల మొత్తం సినీ వ్యవస్థే దెబ్బతింటుందని, ఈ వివాదాన్ని సామరస్యంగా పరిష్కరించుకోవాలని FWICE పెద్దలను కోరింది. చిత్ర పరిశ్రమ అంతా ఒకే కుటుంబం లాంటిదని, చిన్న చిన్న గొడవలను కోర్టుల వరకు తీసుకెళ్లడం మంచిది కాదని CINTAA ప్రతినిధులు కోరుతున్నారు.
ఈ విజ్ఞప్తులను తీసుకున్న FWICE ప్రెసిడెంట్ బి.ఎన్. తివారీ ,చీఫ్ అడ్వైజర్ అశోక్ పండిట్ బుధవారం ముంబైలో ఏర్పాటు చేసిన ప్రెస్ కాన్ఫరెన్స్లో కీలక ప్రకటన చేశారు. రణవీర్ సింగ్పై విధించిన సహాయ నిరాకరణ నుండి తక్షణమే ఉపసంహరించుకుంటున్నట్లు తెలిసింది. ఇందులో ఎవరి గెలుపు, ఓటములు లేవని, పరిశ్రమ ప్రయోజనాల కోసమే తాము ఈ నిర్ణయం తీసుకున్నట్లు వారు స్పష్టం చేశారు. రణవీర్ పంపిన లీగల్ నోటీసులకు తమ లీగల్ టీమ్ సమాధానం ఇస్తుందని చెబుతూనే, రణవీర్ సింగ్ ఇంకా పెద్ద స్టార్ కావాలని ఆకాంక్షించారు. హీరో, నిర్మాతలు, దర్శకులు అందరూ కలిసి ఒకే టేబుల్పై కూర్చుని ఈ 45 కోట్ల వివాదాన్ని సామరస్యంగా ముగించాలని FWICE పిలుపునిచ్చింది. ఈ ఉపసంహరణతో రణవీర్ సింగ్కు బాలీవుడ్లో భారీ ఊరట లభించినట్లయింది.
ఇది కూడా చదవండి: పెద్ది: పెద్ది తెలంగాణ టికెట్ ధరల పెంపు జీవో వెనుక ఉన్న నిర్మాత ఇతనే.. జై బాలయ్య
రణవీర్ ,ప్రముఖ నిర్మాణ సంస్థ ఎక్సెల్ ఎంటర్టైన్మెంట్ మధ్య ‘డాన్ 3’ వివాదం విషయానికి వస్తే దర్శకుడు ఫర్హాన్ అక్తర్ తెరకెక్కించాల్సిన ఈ క్రేజీ ప్రాజెక్ట్ నుండి రణవీర్ సింగ్ అకస్మాత్తుగా తప్పుకోవడంతో వివాదం మొదలైంది. స్క్రిప్ట్ ఇంకా పూర్తి కాకపోవడం, ప్రొడక్షన్ ఆలస్యం కావడం వంటి సృజనాత్మక విభేదాల వల్లే రణవీర్ ఈ నిర్ణయం తీసుకున్నట్లు ప్రచారం జరిగింది. అయితే, గత మూడు సంవత్సరాలుగా ఈ ప్రాజెక్ట్ డెవలప్మెంట్లో ఉందనీ, కేవలం ప్రీ-ప్రొడక్షన్ పనుల కోసమే తాము ఏకంగా 45 కోట్ల రూపాయలకు పైగా ఖర్చు చేశామనేది మేకర్స్ వాదన.
[ad_2]
