[ad_1]
గ్లోబల్ సినిమా రంగానికి కేరాఫ్ అడ్రస్ అయిన హాలీవుడ్లో సరికొత్త సంచలనం నమోదైంది. గత మొత్తంగా ప్రపంచ వ్యాప్తంగా ఉన్న సినిమా ప్రియులు, వ్యాపార వర్గాలు ఎంతగానో మెగా మీడియా ఎట్టకేలకు లైన్ క్లియర్ అయింది. హాలీవుడ్ దిగ్గజ నిర్మాణ సంస్థ ‘వార్నర్ బ్రదర్స్ డిస్కవరీ’ని మరో దిగ్గజం ‘స్కైడాన్స్ పారామౌంట్’ కైవసం చేసుకునే భారీ డీల్కు అమెరికా న్యాయశాఖ ఎటువంటి ఆంక్షలు లేకుండా అధికారికంగా ఆమోద ముద్ర వేసింది. దాదాపు 111 బిలియన్ డాలర్లు (మన కరెన్సీలో సుమారు రూ. 9.25 లక్షల కోట్లు) విలువైన ఈ మెగా విలీనం హాలీవుడ్ భవిష్యత్తును పూర్తిగా మార్చబోతోంది.
ఈ చరిత్రాత్మక ఒప్పందం ప్రకారం.. హాలీవుడ్లోని అత్యంత ప్రతిష్టాత్మకమైన రెండు పెద్ద స్టూడియోలు ఇప్పుడు ఒకే యాజమాన్యం కిందికి రానున్నాయి. దీనివల్ల వార్నర్ బ్రదర్స్కు చెందిన గ్లోబల్ ఫ్రాంచైజీలు ‘హ్యారీ పోటర్’, ‘డీసీ సినిమాటిక్ యూనివర్స్’ (బాట్మ్యాన్, సూపర్మ్యాన్) వంటి బ్లాక్బస్టర్ టైటిల్స్.. పారామౌంట్ పిక్చర్స్ యొక్క ‘టాప్ గన్’, ‘మిషన్ ఇంపాజిబుల్’ వంటి గ్లోబల్ హిట్ సినిమాలతో జతకట్టాయి. కేవలం సినిమాలే కాకుండా సీబీఎస్, సీఎన్ఎన్ వంటి ప్రముఖ గ్లోబల్ న్యూస్ నెట్వర్కులు, టీవీ ఛానెళ్లు కూడా ఒకే గొడుగు కిందికి చేరడం విశేషం.
నిజానికి ఈ డీల్ వెనుక హాలీవుడ్లో ఒక పెద్ద గ్రీన్ డ్రామాయే నడిచింది. గత ఏడాది చివర్లో వార్నర్ బ్రదర్స్ స్టూడియో మరియు స్ట్రీమింగ్ బిజినెస్ను కొనుగోలు చేయడానికి ప్రముఖ ఓటీటీ దిగ్గజం నెట్ఫ్లిక్స్ దాదాపు 72 బిలియన్ డాలర్లతో ముందుకు వచ్చింది. అయితే, పారామౌంట్ సంస్థ పట్టువదలకుండా ఏకంగా వార్నర్ బ్రదర్స్ గ్రూప్ (కేబుల్ నెట్వర్క్లతో సహా) కొనేందుకు 111 బిలియన్ డాలర్ల భారీ ఆఫర్ను ప్రకటించింది. దీంతో నెట్ఫ్లిక్స్ ఈ రేసు నుంచి తప్పుకోగా, షేర్హోల్డర్ల మద్దతుతో పారామౌంట్ ఈ మెగా డీల్ను సొంతం చేసుకుంది. అయితే, ఈ భారీ విలీనంపై హాలీవుడ్కు చెందిన సుమారు 5,500 మందికి పైగా దర్శకులు, నటులు, సాంకేతిక నిపుణులు తీవ్ర అభ్యంతరం వ్యక్తం చేస్తున్నారు.
రెండు పెద్ద సంస్థలు ఒకటి కావడం వల్ల పరిశ్రమలో పోటీతత్వం తగ్గిపోతుందని, దీనివల్ల వేలాది మంది ఉద్యోగాలు కోల్పోయే ప్రమాదం ఉందని ఆందోళన వ్యక్తం చేస్తూ ఓపెన్ లెటర్ రాశారు. మరోవైపు కాలిఫోర్నియా అటార్నీ జనరల్ రాబ్ బోంటా కూడా ఈ విలీనం వల్ల వినియోగదారులకు నష్టం జరిగే అవకాశం ఉందంటూ స్టేట్ లెవెల్లో విచారణ కొనసాగుతోంది. ఈ విమర్శలు ఎలా ఉన్నా, బిజినెస్ పరంగా మాత్రం ఈ విలీనం ప్రపంచ వ్యాప్తంగా సరికొత్త ట్రెండ్కు తెరలేపనుంది.
ముఖ్యంగా ఓటీ మార్కెట్లో నెట్ఫ్లిక్స్, డిస్నీ ప్లస్ సంస్థలకు గట్టి పోటీ ఇచ్చేందుకు పారామౌంట్+ మరియు హెచ్బీఓ మ్యాక్స్ (HBO Max) ప్లాట్ఫారమ్లను విలీనం చేసి సరికొత్త పవర్హౌస్ ఓటీటీని తీసుకురావాలని ప్లాన్ చేస్తున్నారు. రాబోయే రోజుల్లో ఈ మెగా విలీనంతో హాలీవుడ్ బాక్సాఫీస్ వద్ద మరియు డిజిటల్ స్ట్రీమింగ్ రంగంలో ఎలాంటి సరికొత్త రికార్డులు క్రియేట్ అవుతాయో చూడాలి.
[ad_2]
