సమంత దెబ్బకి జేజెమ్మ రికార్డు గల్లంతు.. మా ఇంటి బంగారం అరుదైన రికార్డు

సమంత(సమంత)వన్ ఉమెన్ షో ‘మా ఇంటి బంగారం’ (మా ఇంటి బంగారం)బాక్సాఫీస్ వద్ద రికార్డుల సునామీని సృష్టిస్తోంది. పైగా రికార్డుల వయసు కేవలం పది రోజులు. దీంతో పదహారేళ్ల క్రితం 2009లో విడుదలైన అనుష్క శెట్టి వన్ ఉమెన్ షో ‘అరుంధతి’ నెలకొల్పిన 70 కోట్ల లైఫ్‌టైమ్ రికార్డుని సమంత కేవలం పది రోజుల్లోనే అధిగమించడం విశేషం. దీంతో తెలుగు చలనచిత్ర పరిశ్రమలో అత్యధిక వసూళ్లు సాధించిన మహిళా ప్రాధాన్యత కలిగిన (మహిళ నేతృత్వంలో) చిత్రంగా మా ఇంటి బంగారం సరికొత్త రికార్డును లిఖించింది. ఎటువంటి కమర్షియల్ స్టార్ హీరో అండ లేకుండా, కేవలం సమంత నటన, యాక్షన్ సీక్వెన్స్, నందినీ రెడ్డి భావోద్వేగాల కథనమే ముడి సరుకుగా ఈ అద్భుతం సాధ్యమైంది.

ట్రేడ్ వర్గాల సమాచారం ప్రకారం ఈ చిత్రం కేవలం 20 కోట్ల పరిమిత బడ్జెట్‌తో నిర్మితమైంది. కానీ, విడుదలైన పది రోజుల్లోనే ప్రపంచవ్యాప్తంగా ఏకంగా 78.71 కోట్ల గ్రాస్ వసూళ్లను సాధించి, తన నిర్మాణ వ్యయానికి దాదాపు నాలుగు రెట్లు లాభాలను తెచ్చిపెట్టింది. రెండవ వీకెండ్‌లో కూడా క్సాఫీస్ వేటని ఏమాత్రం తగ్గించకుండా భారీ వసూళ్లని నమోదు చేసింది. శనివారం (9వ రోజు) 4.90 కోట్ల నెట్ వసూళ్లు సాధించగా, ఆదివారం (10వ రోజు) 5.30 కోట్ల నెట్ వసూళ్లు రాబట్టింది. దీనితో భారతదేశం మొత్తం మీద ఈ చిత్రం రూ. 48.25 కోట్ల నెట్ వసూళ్లని 55.86 కోట్ల గ్రాస్ కలెక్షన్లని తన ఖాతాలో వేసుకుంది.

ఇది కూడా చదవండి: Pawan Kalyan: నైట్ మొత్తం పాముల పక్కన పడుకున్న పవన్ కళ్యాణ్!

నందినిరెడ్డి దర్శకత్వంలో తెరకెక్కిన చీరకట్టులో సమంత చేసిన అద్భుతమైన యాక్షన్ స్టంట్స్, మిలిటెంట్లకు వ్యతిరేకంగా సాగే ఫ్యామిలీ డ్రామా ప్రేక్షకులను విశేషంగా ఆకట్టుకోవడంతో ఈ సినిమా ఇప్పుడు 100 కోట్ల క్లబ్ వైపు శరవేగంగా దూసుకుపోతోంది.