పెద్ది ఓటిటి డేట్ పై షాకింగ్ అప్ డేట్.. ముమ్మాటికీ ఇది వీళ్ళ పనే!

మెగా పవర్ స్టార్ రామ్ చరణ్(రామ్ చరణ్)వన్ మాన్ షో ‘పెద్ది'(పెద్ది)బాక్సాఫీస్ వద్ద స్టిల్ 400 కోట్లకు పైగా కలెక్షన్స్ ని సాధిస్తూ తన విజయ పరంపర కొనసాగిస్తోంది. దీంతో చరణ్ కెరీర్ లోనే హయ్యెస్ట్ కలెక్షన్స్ సాధించిన చిత్రంగా పెద్ది నిలిచాడు. దర్శకుడు బుచ్చిబాబు(బుచ్చిబాబు)సానా అద్భుతమైన విజువల్స్ మరియు భావోద్వేగాలతో తెరకెక్కించిన ఈ రూరల్ స్పోర్ట్స్ యాక్షన్ డ్రామా లాస్ట్ మంత్ జూన్ 4న థియేటర్లలోకి వచ్చిన విషయం తెలిసిందే.

ఈ భారీ చిత్రం డిజిటల్ హక్కులను ప్రముఖ ఓటీటీ దిగ్గజం నెట్‌ఫ్లిక్స్ అత్యంత భారీ మొత్తానికి సొంతం చేసుకున్న సంగతి తెలిసిందే. కేవలం నాలుగు వారాల థియేట్రికల్ విండో ముగించుకుని, 2026 జూలై 2 నుంచి ఓటీటీలో సందడి చేస్తుందని అందరూ భావించారు. అయితే, ఇప్పుడు నెట్‌ఫ్లిక్స్ స్ట్రీమింగ్‌కి సంబంధించి వినిపిస్తున్న తాజా వార్త ఓటి సినీ ప్రియులని తీవ్ర నిరాశకు గురిచేస్తోంది.

విశ్వసనీయ సమాచారం ప్రకారం, ‘పెద్ది’ ఓటీటీ విడుదల మరో రెండు వారాల పాటు వాయిదా పడినట్లు తెలుస్తోంది. జూలై 2 కాకుండా, జూలై 16 నుంచి స్ట్రీమింగ్ చేయడానికి ఫిక్స్ అయినట్టుగా ప్రచారం సాగుతోంది. థియేటర్లలో ఈ సినిమా ఇంకా విజయవంతంగా ప్రదర్శించబడటమే ఈ ఆలస్యానికి ప్రధాన కారణమని ఇండస్ట్రీ వర్గాలు అంటున్నాయి. నాలుగు వారాల తర్వాత కూడా ఈ చిత్రం థియేటర్లలో ప్రతిరోజూ దాదాపు 1 కోటికి పైగా వసూళ్లను సాధిస్తూ బాక్సాఫీస్ వద్ద నిలకడగా రాణిస్తోంది. కలెక్షన్ల పరంగా ఇంతటి దూకుడు చూపించుండటం వల్లే, ఓటీటీ రిలీజ్ ని పొడిగించారని అంటున్నారు.

ఇది కూడా చదవండి: zombie reddy 2: జాంబీరెడ్డి 2 అప్ డేట్ వైరల్.. తేజ సజ్జతో జోడి కడుతున్న బాలీవుడ్ అగ్ర హీరో కూతురు!

అయితే జూలై 16 పై నెట్‌ఫ్లిక్స్ గానీ, నిర్మాణ సంస్థ గానీ ఇప్పటివరకు ఎలాంటి అధికారిక ప్రకటన విడుదల చేయలేదు. ఒకవేళ జూలై 16న విడుదల ఖరారైతే, సౌత్ భాషలైన తెలుగు, తమిళం, కన్నడ మరియు మలయాళంలో ఒకేసారి స్ట్రీమింగ్ ప్రారంభం. అయితే హిందీ వెర్షన్ మాత్రం థియేట్రికల్ విండో నిబంధనల కారణంగా జూలై 30, 2026 నుంచి విడిగా స్ట్రీమింగ్ అయ్యే అవకాశం ఉంది.